Xatirələr

ATU-nun Patoloji fiziologiya kafedrasının dosenti Nicat Mikayılzadənin "Təbib" qəzetinin № 19 sayında Prof. Nadir İsmayılov haqqında verdiyi müsahibə (28.05.1991)

Professor Nadir İsmayılov psixoterapiya ilə məşğul olan nadir mütəxəssislərdəndir. Uzun illərdir ki, "Bilik" cəmiyyəti xətti ilə mühazirələr oxuyur, kütləvi hipnoz və təlqin seansları verir və bunları müalicə məqsədi ilə tətbiq edir. Bu yaxınlarda onun Şəhriyar adına klubda təşkil edilən müalicəvi seansları böyük hərarətlə qarşılanmışdır. Ona göndərilən saysız hesabsız minnətdarlıq məktubları, elə görüş zamanı arası kəsilmədən səhnəyə doğru axışanların çıxışları bunu inandrırcı surətdə sübut edir. Seanslar yüksək səviyyədə keçdi. Təkcə N. İsmayılovun bir mütəxəssis kimi elmi surətdə əsaslandırılmış söhbəti və suallara verdiyi cavablar deyil , zaldakı bacarıqla seçilmiş işıq fonu və müvafiq musiqi ahəngi buna şərait yaradırdı. Bəlkə də tək-tək şəxslər istisna olmaqla bütün zalın tamamilə seansın təsiri altında olduğunu gördük. Sonra N.İsmayılovun komandası ilə hamı birdən xoş əhval-ruhiyyə ilə gözlərini açdı. Seansa artıq bir neçə dəfə gələnlər vəziyyətlərinin xeyli yaxşılaşmasından, xəstəlik əlamətlərinin yüngülləşməsindən danışırdılar.

27 iyul 2007 - ci il, cümə "XALQ QƏZETİ " nin Nadir İsmayılov haqqında yazdıqları

Avrasiya Patent Təşkilatı Azərbaycanlı alimin ixtirasının materik ölkələrində tətbiqini tövsiyə etmişdir. Professor Nadir İsmayılov psixiatriya və psixoterapiya sahəsində beynəlxalq patent alan ilk soydaşımızdandır.Azərbaycan Tibb Universitetinin Professoru, tibb elmləri doktoru, Azərbaycan Psixiatrlar Assosiasiyasının prezidenti, Abş Psixoterapiya Akademiyasının həqiq üzvü, ümumi psixiatriya və məhkəmə psixiatriyası üzrə beynəlxalq ekspert Nadir İsmayılovun ünvanına Avrasiya Patent Təşkilatından məktub gəlmişdir. Qeyd edək ki, dünyada bir neçə belə qurum vardır. Avrasiya Patent təşkilatından soydaşımızın ünvanına gələn məktubda qeyd edilir ki, il yarımlıq elmi araşdırmalar, təhlillər və çoxsaylı müqayisələrin nəticəsində sübut olunmuşdur ki, Nadir İsmayılovun quruma təqdim etdiyi elmi nailiyyətlər indiyədək dünyanın heç bir alimi tərəfindən işlənilmədiyinə görə həmin işlər ixtira kimi qəbul edilir və patentə layiq görülür.

7 gün qəzetinin 25 iyun 1991- ci il tarixli 17- ci sayında jurnalist Şövkətin "Azərbaycanın Kaşpirovskisi " adlandırdığı məqaləsindən

Prof. Nadir İsmayılovun psixoterapiya seansında iştirak etdim və hipnozun nə olduğunu duydum. İşıqlar sönür, salona yumuşaq, sirli musiqi yayılır və yavaş-yavaş hisslərimə hakim kəsilir. Köks qəfəsimin azca sıxıldığını hiss edirəm, gözlərim də narahatdır, professorun nə isə bir hərəkət edib etmədiyinə baxmaq üçün tez-tez qırpılır. Psixoterapiya seansı davam edir, ürəyim sabit döyünür, nəfəsim aramlaşır. Bu nədir? Mənə elə gəlir ki , yavaş- yavaş kökəlirəm, ayaqlarım , bədənim get-gedə böyüyür. Seansdan sonra yadıma A. Kaşpirovskinin seansları düşür. Dəfələrlə gözümü televizora zillədimsə də heç nə alınmadı. İndiki effekt isə göz qabağında idi.

10.06.2006 tarixində Dahi şairimiz Bəxtiyar Vahabzadənin Professor Nadir İsmayılova təqdim etdiyi kitabına yazdığı avtoqraf.

Təbibliyinə qəlbən inam gətirdiyimiz əziz və hörmətli həkimim, dostum Nadir İsmayılov üçün. Böyük arzular naminə... B.Vahabzadə

Azərbaycanın Xalq Yazıçısı Sabir Əhmədlinin 23 mart 2009 - cu ildə Prof. Nadir İsmayılov haqında yazdığı fikirlər.

"İstedadlı, böyük alim Nadir İsmayılovun xalq arasında səriştəli həkim kimi tanınması məni bir qohum olaraq çox sevindirir. Nadirin simasında illərlə çəkilən zəhmətin bəhrə verdiyini görürəm."

ATU-un psixiatriya kafedrasının müdiri, Azərbaycan SN Baş psixiatrı, əməkdar elm xadimi, AMEAN- ın müxbir üzvü Tibb elmləri doktoru, Professor Ağabəy Sultanovun Prof. Nadir İsmayılovun rəhbərliyi ilə çap olunmuş "Tibbi psixologiya və psixoterapiya" kitabı haqqında yazdıqları. (2002 - ci il)

"Tibbi Psixologiya və psixoterapiya" dərsliyinin çap olunması tibbi kadrların hazırlanması işində ciddi hadisə olacaqdır. Dərslik tibbi psixologiyanın və psixoterapiyanın əsas bölmələrini əhatə edir, oxunaqlı dildə yazılmış və öz müasirliyi ilə diqqəti cəlb edir. Müəlliflər parapsixologiya (psixi fenomenlər) bölməsində bu günədək mübahisələrə səbəb olan bir çox problemlərə elmi dəlillərə və müşahidələrə əsaslanan aydınlıq gətirməyə çalışmışlar. Kitabın qiymətli cəhətlərindən biri dahi Z.Freydin nəzəri mülahizələrinə obyektiv yanaşılmadır. Kitaba terminlər lüğətinin və mövzu göstəricilərinin daxil edilməsi dərsliyin dəyərini daha da artırır.

Bakı Dövlət Universitetinin psixologiya kafedrasının müdiri, psixologiya elmləri doktoru, professor, AMEA-nın müxbir üzvü, Milli Məclisin deputatı, Bəxtiyar Əliyevin Prof. Nadir İsmayılovun rəhbərliyi ilə çap olunmuş "Tibbi psixologiya və psixoterapiya" kitabı haqqında yazdığı fikirlər. (2002 - ci il)

Respublikamızda və uzaq xarici ölkələrdə tanınmış görkəmli alim Prof. Nadir İsmayılovun rəhbərliyi ilə hazırlanmış dərsliyə rəy vermək həm böyük şərəf, həm də böyük məsuliyyətdir. Onun yazdığı hər bir monoqrafiya, dərslik və elmi məqalə öz orijinallığı , elmi müqayisə və ümumiləşdirmələr əsasında gəldiyi nəticələr həmişə diqqəti cəlb edir. Eyni fikirləri rəy verdiyimiz "Tibbi psixologiya və psixoterapiya" dərsliyi haqqında da böyük fəxrlə deyirik. Sevindirici haldır ki, Azərbaycan dilində ilk dəfə olaraq, yazılmış bu kitab xarici ölkələrdə mövcud olan bu tipli dərsliklərdən xeyli fərqlənir. Bu özünü yalnız dərsliyin strukturunda deyil, həm də problemlərə yeni yanaşma tərzində göstərir. Hesab edirəm ki , bu kitab nəinki həkimlər və Tibb Universitetinin tələbələri, həm də Bakı Dövlət Universitetinin psixologiya fakultəsinin tələbələrinə çox sanballı bir töhfə olacaqdır.

ABŞ bioqrafiya institunun Prezidenti J.M.Evansın 30.09.2005 - ci ildə Prof. Nadir İsmayılova Ümumi Psixiatriya və Məhkəmə Psixiatriyası üzrə Beynəlxalq Ekspert adının verilməsi ilə bağlı yazdığı fikirlər..

Professor N.V.İsmayılova : Sizin Psixiatriya elmi və tədris sahəsində göstərdiyiniz fəaliyyəti yüksək qiymətləndirməkdən məmnun olduğumuzu xüsusi qeyd etmək istəyirik. Ümumi Psixiatriya və məhkəmə Psixiatriyası üzrə sizə Beynəlxalq ekspert kimi şərəfli adı vermək qərarı ilə bir daha sizin profesionallığınızı təsdiq edirik.

ATU-nun psixiatriya kafedrasının elmi məsləhətçisi, əməkdar elm xadimi, tibb elmləri doktoru Prof. Ə.Abasquliyevin prof.N.İsmayılov barədə fikirləri

1983- cü ildə Nadir İsmayılov Moskvada mənim elmi rəhbərliyimlə professor V.P.Serbski adına sosial və məhkəmə psixiatriyası Dövlət elmi tədqiqat mərkəzində "Şizofreniyanın gedişinin və patogenezinin immunoloji amilləri" mövzusunda doktorluq dissertasiyasını böyük müvəffəqiyyətlə müdafiə etdi. Nadir İsmayılovun doktorluq dissertasiyasını Moskvada SSRİ Tibb Elmləri Akademiyasının Psixiatriya Elmi-Tədqiqat İnstitutunun rəhbəri akademik A.V.Snejnevski və onun iki müavini məzmununa və quruluşuna görə onların o qədər xoşuna gəldi ki, onlar o dövrdə həmin institutda doktorluq dissertasiyası üzərində işləyən doktorantları kabinetə dəvət edib Nadirin dissertasiyası kimi yüksək səviyyədə yazılmış doktorluq dissertasiyası kimi nümunə göstərmişdilər. Bu hadisə məni və N.İsmayılovu olduqca sevindirdi. Dissertasiyanın müzakirəsi sona çatdıqdan sonra dissertasiyanın məsləhətçisi kimi məni daha çox sevindirən o oldu ki, müdafiənin opponentlərindən biri Estoniyalı akademik Y.M.Saarma məni təbrik etdikdə dedi ki, son illər onun opponentlik etdiyi doktorluq dissertasiyalardan ən güclüsü N.V.İsmayılovun dissertasiyası idi. Qeyd etməliyəm ki N.İsmayılovun elmi və ictimai fəaliyyəti diqqətdən kənarda qalmırdı. Belə ki, O 1984 - cü ildə Respublikanın Baş psixiatrı təyin olundu . Azərbaycan Respublikası Psixiatri yardımı haqqında Dövlət qanununun hazırlanması ona həvalə olundu.

"Бакинский Рабочий" qəzeti, 20 noyabr, 1987 - ci il.

"...prof. N. İsmayılovun tətbiq etdiyi hipnoz-psixoterapiya neçə - neçə adamların əhval-ruhiyyə düşkünlüyündən, iztirablardan, sinir sisteminin funksional xəstəliklərindən xilas olmalarına səbəb olmuşdur."

"Azərbaycan gəncləri" qəzeti, 2 dekabr, 1990 - cı il.

"...psixoloji təcrübələr ustası kimi həmpeşələrindən öz metodları ilə seçilir. Eyni vaxtda yüzlərlə iştirakçıya təsiri zamanı xəstələrin 95-96%-ni müalicə edə bilir. Bu göstərici peşəkarlar arasında ən yüksək reytinqdir. N. İsmayılov fenomeni faktdır."

Munir Kərim, ABŞ Harvard Universitetinin professoru:

"Ailəsində beş psixiatr olan, yazdığı tədris kitbaları və psixiatriyaya gətirdiyi yeniliklərə görə Prof. Nadir İsmayılovu Azərbaycan psixiatriyasının əfsanəsi adlandırardım."

2015-ci ildə Ümumdünya Psixiatriya Təşkilatının Psixiatriya bölməsinin rəhbəri, Ümumdünya Psixiatriya Assosiasiyasının Prezidenti olmuş, hazirda Təhsil üzrə (Psixiatriya bölməsi) Ümumdünya Assosiasiyanın Prezidenti, Prof. Norman Sartoriusun dedikləri:

"Prof. Nadir İsmayılovu Psixiatriya üzrə nəinki Zaqafqaziya, hətta Mərkəzi asiya ölkələri üzrə görkəmli mütəxəssis hesab edirəm"

Hipnoz Seansı Tibb Elmləri doktoru, professor Nadir İsmayılova Dmitri Dadaşidzenin ithaf etdiyi şeir:

Tərcümə edən Tahir Babullaoğlu

Allahlar saya gəlmir : Oziris, Zevs, Xristos
Bu adın arxasında nə dayanır, nə? hipnoz!
Hər şeydə hiss olunur qüdrətli əli onun
Yuxular şahlığının tək Allahı hipnozun.
Adətən işıq saçıb Allahlar bu cahana,
Yüz ildə bircə dəfə görünərdi insana
Həyəcanla, istiylə doldurub ürəkləri,
Təkrar-təkrar söylərdi, o müqəddəs sözləri:
- Ey insan! uyğuya dal! İnan, sən mənə inan!
Nə istəsən yuxuda sən məndən alacaqsan.
Hər şeyi yaddan çıxart, unut sən keçmişini,
Ovsun uzaq, çox uzaq yola ötürər səni.
Qovacaq bir-birini anlar, bəlkə əsrlər,
Yenə güclü, qüvvətli olacaqdır o əllər,
Ayılıb duyacaqsan bir pərvəriş, bir qüvvət,
Ey, sən, öləri insan! həkk et sözləri əlbət!
Kölgə salaraq yerə ancaq ovsun allahı,
İnsana görünərdi o hər allah sabahı.
Bu diyara müalicə yuxusu gətirərək,
Gəldi,gəldi göründü o, qan-tər tökərək.
O, aydın baxışını gizlətmirdi.
gülümsər Əynində də ağ papaq, qar rəngli bir xələt var.
Mənə tanış bir neçə sözlər söyləyər zaman,
Yaman başım hərləndi, uçundum həmin andan.
Ağırlaşmış gözümü qaldıra bilməsəm də o ilahi gəlmələr səslənirdi qəlbimdə
Sanki bir quşa dönüb qalxmışdım yüksəkliyə,
Orda keçmiş,gələcək vermişdilər əl-ələ
Mənə verilən yuxu ən gözəl bir yuxuydu,
Yuxunu söyləməyə söz aciz , söz yoxuydu.
Ehey! Ovsun Allahı! Mənə bir şey söylə, sən,
Söylə, mənə sən hansı, hansı yolu seçmisən?
Göstərdiyin kimiydi, söylədiyin bu yol da...
Yenə yer Allahların gördüm mən ayılanda,
Kimlərdi? hansılardi? Oziris, Zevs, Xristos
Sən, ey , yuxu Allahı! Hardasan sirli hipnoz?

Ümumdünya Qadınlar Birliyinin Baş Assambleyasının üzvü olan, D. Əliyeva adına Azərbaycan Qadın Hüquqları Müdafiə Cəmiyyətinin sədri, Avropa Şurası və ABŞ-ın Demokratiyanın inkişafı Beynəlxalq Mükafatı Laureatı Novella Cəfərovanın məktubundan:

Hörmətli Professor Nadir İsmayılov!
D.Əliyeva adına Azərbaycan Qadın Hüquqlarının Müdafiə Cəmiyyəti, Azərbaycan İstiqlalı üçün parlaq gün olan "20 yanvar" hadisələri zamanı ağır stresə məruz qalan tələbə Anar Həbibova 12 il ərzində göstərdiyiniz qayğı və diqqətinizə görə təşkilatı adından sizə öz təşəkkürünü bildirir və bu xeyirxah işinizdə uzun ömür və can sağlığı arzu edir.
21.01.2002